نحو الثورة قبل أسبوعينلا توجد تعليقات
ناشط مدني يحلل.. "التحرش" بين السياسة والحقوق
ناشط مدني يحلل.. "التحرش" بين السياسة والحقوق
الكاتب: الثورة اليوم

في 5 مشاهد، قرأ الناشط بالكتلة المدنية محمد سعد ممادو، الحالة المصرية، وقال عبر صفحته الشخصية على موقع التواصل الاجتماعي فيس بوك، إنها حالة لا تخرج عن التحرش وبيع أجساد المصريين.

وجاءت المشاهد الخمسة كالتالي:

1- واحدة مكرهة على الجواز وقاصر أبوها باعها لواحد خليجي تحت مسمي المهر بـ 125 الف جنيه هربت البنت من الجوازة راح الخليجي للشرطة والنيابة، الشرطة والنيابة بدل ما تحقق في واقعة إكراه و اتجار في البشر جابت البنت وسلمتها له ،مصر بتبيع لحم بشري وتسهل الإتجار في البشر.بين تحرش وإتجار بالبشر.. الناشط "ممادوا": هكذا نقرأ المشهد المصري تحرش

2- الواد المتحرش بتاع التجمع بقى تريند جامد جداً وبيتفاوض على فيلم واعلانات والبنت اتشتمت و اترفدت من شغلها واخو الواد بيقول في الميديا ممكن نرجعها شغلها بس تعتذر، مصر بتحتفي بالتحرش وتستنكر اي محاولة لفضحه.

3– مجموعة من المتحرشين بالأطفال (بيدوفيلك ) اتمسكوا أول يوم العيد بيتحرشوا فعلا في جنينة الحيوانات لما اتمسكوا الشرطيات المسئولين عن النقطة قالوا لهم ما تعملوش كده تاني ومشوهم ، مصر بتتستر على ناس عندها بيدوفيليا وبتقولهم ما تعملوش كده تاني.

4- يوم الوقفة أو قبلها بيوم، طفل بيتم الاعتداء عليه بوحشية في مترو الانفاق لدرجة إن الفيس بوك رفض يشيل فيديو الاعتداء عليه وحط تعليق عليه اننا لن نزيله فربما يسهم في إنقاذه من المعتدين ونصح الناس إنها تبلغ الشرطة.

إللي ما يعرفهوش الخواجة بتاع الفيس إن الشرطة هي إللي بتنفذ الاعتداء علشان الواد تجرأ وباع سلع مدرسية في عربية المترو ونزل الفيديو على خلفية صوت الطفل بيترجى الشرطي وهو بيضربه سيبني أعيد أبوس أيدك ، مصر لا تكتفي بأنها لا تحمي الاطفال بل تعتدي شرطتها على الفقراء منهم بوحشية،

5- بنتين ماشيين في وسط البلد تعرضوا لتحرش ولما قاوموا اتضربوا راحوا القسم يعملوا محضر العيال المتحرشين عملوا محضر ضرب والقسم ضغط على المجني عليهم علشان يمشوا والا هيتعمل لهم قضية قصاد قضية.

البنات أصروا على موقفهم وراحوا النيابة وبقوا متهمين زيهم زي المتحرشين ، مصر تكره إن تطالب بحقك و تعاقب من يفعل ذلك. وأضاف “ممادو”: في خلفية الصورة بوست لصديق مغترب كاتب فيه مصر وحشتني أوي ووحشني دفء العلاقات فيها.. لا تعليق مني على بوست الصديق فمصر إللي بيتكلم عنها وحشتنا كلنا حتى إللي قاعد فيها.

شارك برأيك

التعليقات المنشورة لا تعبر عن رأي الثورة اليوم وإنما تعبر عن رأي أصحابها

دوائر التأثير

الاشتراك في التنبيهات
اشترك في التنبيهات ليصلك كل جديد و متميز من موقع الثورة اليوم